Tiptop Videos

北上消費大解密！香港生意如何突圍？顧問解構香港服務滿意度及北上消費體驗調查結果

Consultant： Ricky Ng Elena Tsang

天高進行了一項有關香港服務滿意度及北上消費體驗的調查，為業界帶來實用的參考。Ricky 與 Elena 將為大家深入分析調查結果，一同探討當中的關鍵數據及值得關注的問題，幫大家找到提升生意的關鍵點。

10/01/2025

企業顧問教你解構MBTI，助你提升職場效能

Consultant： Ricky Ng

一講起MBTI很多人首先想到的是內向（I）和外向（E），但其實MBTI不只有I同E，另外三個維度都很值得我們了解。其他三個維度具體是如何區分的？不同類型的人看事物時有什麼不一樣？做決策時又有什麼差異？與不同MBTI類型的人合作時，我們又應該注意些什麼呢？

天高顧問Ricky將為大家深入解析MBTI的另外三個維度，並分享如何在職場中應用MBTI，幫助你和不同性格的人更有效地合作，提升工作效率！

18/10/2024

[職場技巧]下屬聽唔明? 唔知錯咩? 3招回饋技巧幫你解決！

Consultant： Elena Tsang

你有沒有見過上司公開批評下屬的情況？Elena通過一個大學招聘會的真實案例，探討職場回饋的錯誤與正確做法。

10/07/2024

港人北上？生意難做？三招教你在逆境突圍而出

Consultant： Ricky Ng

香港零售業在疫情後面臨著巨大的挑戰。旅客數量大幅減少，消費者習慣了網上購物和北上消費，對服務質素和性價比的期待也發生了變化。面對這些變化，零售和服務行業的公司該如何應對？

在這個視頻中，天高顧問Ricky分享了三大銷售秘技，幫助你在這個變化的消費環境中脫穎而出。

31/05/2024

升咗做經理先發覺唔識帶人? 3招教你如何有效委派工作

Consultant： Elena Tsang

晉升做經理後，才發覺帶領團隊有諸多阻礙？委派任務時同事好容易心生抵觸、缺乏積極性？

Elena今次會跟大家分享案例，教大家做委派要留意的細節，3招幫你減輕同事內心的抗拒，提高他們的信心及投入感!

15/04/2024

【與管理者對談】汽車銷售業前高管 Sammy Leung (上集)

【與管理者對談】
究竟點先可以做到top sales？作為管理者，又點樣先可以帶領好銷售團隊呢？
今次Elena 邀請咗佢嘅好友、汽車銷售業前高管Sammy Leung同大家分享，細說佢由 top sales走到管理層嘅經驗同心得!

21/12/2023

<職場Q&A系列>失去工作動力的三大原因

Consultant： Elena Tsang

近期Elena收到許多職場朋友遇到的各種難題。而在這些問題中，「辭職」一直是最熱門的話題之一。在今次的Q&A中，Elena將剖析導致工作失去熱情的三大原因，解答返工後感到心灰意冷並想辭職的困惑。如果你正面臨這樣的抉擇，不妨先聽聽Elena的專業分析，或許能幫助你重新思考工作的價值與意義！#職場文化 #工作熱誠 #辭職 #人際關係

13/10/2023

回應投訴後，客人的要求不斷升級，主管應如何處理?

Consultant： Elena Tsang

上次Elena分享咗一個投訴案例，當中睇到主管點樣引導滿腹怨氣嘅前線同事。今次佢會講埋故事嘅後續，睇下呢位主管面對客人嘅要求不斷升級時，會選擇點樣去處理呢?

10/07/2023

收到投訴後，前線同事有怨氣，該如何引導?

Consultant： Elena Tsang

前線同事收到投訴後滿腹怨氣，主管應該點引導? 今次顧問Elena為大家分享一個真實案例，睇吓個案中嘅主管會點樣應對，佢嘅手法又會唔會比到啲啟發你？

27/06/2023

天高服務指標2022

Consultant： Ricky Ng Elena Tsang

天高服務指標2022剛於上月底出爐！各項分數反映了服務行業的甚麼趨勢？疫情及科技又為我們的服務帶來甚麼改變？由顧問Ricky及Elena為大家深度分析！

05/06/2023

明明服務態度好，都令顧客體驗差？可能差咗呢樣野…

Consultant： Ricky Ng

明明產品同服務已經做到100分，點解顧客嘅體驗都係麻麻地？可能係整體服務流程為顧客帶嚟痛點！聽聽顧問Ricky嘅親身經歷，睇吓「顧客經驗」係點樣隨住服務流程而變化。

19/05/2023

[Team Building] 天高團隊建設

天高嘅Team Building 不單只係玩遊戲，更係一個充滿激勵、互動和學習嘅過程! 參加者透過各種遊戲活動，可以加強團隊凝聚力和提高士氣，而且透過互相合作嘅體驗，更容易把學到嘅知識同技巧，一齊應用係工作上！

10/05/2023

升職後好友變成下屬，該如何相處？

Consultant： Elena Tsang

升職固然係開心事，但升職後人際關係方面都會有新嘅苦惱! 好似今次故事主角咁，升職後昔日同級好友突然變咗佢下屬，角色變咗之後點相處好？聽聽Elena嘅分享，睇下點樣做好管理者，事業友情兩者兼得！

06/04/2023

停一停！指定服務對白隨時一秒激嬲客人

Consultant： Ricky Ng

前線服務很多時會有指定對白，但原來指定對白都要視乎場景？聽聽Ricky嘅親身經歷，一句喺服務人員睇嚟係常規操作嘅說話，卻可能會刺痛對方，隨時一秒激嬲客人！

24/03/2023

經濟復甦，團隊衝刺前有否增值自己？

Consultant： Elena Tsang

適逢所有防疫措施都放寬，市面人流大增，相信唔少服務業同事都努力衝刺，追回銷售業績！其實呢三年都係一個喘息期，大家有冇趁機自我增值，為宜家衝刺做好準備？聽聽Elena分享嘅真實案例，如果仲未好好增值自己，就隨時出事了...

03/03/2023

客人「識少少扮代表」，前線同事如何處理

Consultant： Ricky Ng

唔少服務業同事都好怕遇到啲會認叻嘅顧客，會突然間「專家上身」，但所講嘅嘢又唔係完全正確，又唔好意思當面糾正對方... Ricky今次呢個故事幫到你！有時只要輕鬆一句回應，顧及對方感受之餘，又可以提升顧客關係，立即去片！

17/02/2023

幫人淨係得把口？職場遇到這類同事要怎麼辦

Consultant： Elena Tsang

職場上有唔少樂於助人嘅同事，但有啲同事講完「我幫我幫」，之後就無尾飛堶，隨時惹來更大麻煩！聽完顧客Elena嘅真人真事分享，日後面對呢類同事，都唔會束手無策，日後仲會成為你嘅得力助手！

13/01/2023

健談有利見工？別誤墮溝通陷阱惹反感！

Consultant： Elena Tsang

成日話「健談」能夠令自己喺Job Interview，乃至職場上加分，同對方建立良好關係，亦可以加深其他人對自己嘅認識，但唔少人就誤會何謂「健談」！若果你覺得自己係一個健談人士，不妨聽Elena分享，留意自己有冇跌入溝通陷阱！

20/12/2022

【天高故事．學】愛迪生的女僕

日常中有冇試過同對方溝通時，覺得好難溝通，「牛頭唔搭馬嘴」... 不妨試吓「先對人，後對事」，愛迪生嘅一次親身經歷會啟發到你！

02/12/2022

Workload大點算好？一招輕鬆向老闆Say No！

Consultant： Elena Tsang

面對堆積如山嘅工作量，壓力大到就嚟透唔到氣... 尤其係老闆委派嘅工作，又點可以拒絕？停一停，聽聽顧問Elena分享，學懂點樣有技巧地向老闆說「不」！

18/11/2022

張無忌學劍法 (取材於金庸小說)

從事銷售服務嘅你哋，平時背熟好多service standard、銷售技巧，但作用好似唔大... 不妨向張無忌學習，從佢嘅學劍方法，掌握成功嘅銷售秘訣！

11/11/2022

做好銷售服務... 先向五隻手指學習！？

Consultant： Ricky Ng

從事銷售服務嘅你哋，平時一定會上網搵吓相關銷售技巧，但原來一啲銷售秘訣，從五隻手指身上已經可以學到！聽Ricky分享，就明白點解五隻手指可以成為我哋嘅銷售導師！

04/11/2022

活用!nside Cards，學會洞悉人心的提問技巧！

問問題係為咗解決問題，但問錯問題，分分鐘會製造另一個問題出嚟！聽Josephine分享，了解吓平時我哋會忽略咗嘅提問技巧，學識問啱問題！

26/10/2022

職場案例：上級之間的溝通盲點

Consultant： Elena Tsang

每個企業都有唔同級別嘅管理層，而各個級別之間往往存在溝通盲點，唔及時發現就會影響員工關係或者管治威信... 聽聽今次嘅案例，一齊搵出當中盲點，讓企業內部溝通可以更順暢！

14/10/2022

天高服務獎頒獎典禮 - 機構代表交流會 (下集)

Consultant： Ricky Ng

上一集，七位「持續超卓表現機構」代表同我哋分享具有品牌特色嘅「有溫度服務」，但的確唔係所有前線同事會熱心提供「有溫度服務」，機構代表又如何應對？同時亦有會人質疑服務標準「冷冰冰」，但每間機構又唔可以欠缺一套標準，點樣可以維持服務標準之餘，仍能為客人提供「有溫度服務」？立即聽機構代表分享！

28/09/2022

天高服務獎頒獎典禮 - 機構代表交流會 (上集)

Consultant： Ricky Ng

今屆天高服務獎頒獎典禮嘅主題係「溫度融化距離，服務始終靠您」，但何謂真正嘅「有溫度服務」？雖然喺科技嘅協助下，可以提高服務效率，但的確會拉遠前線同事與顧客之間嘅距離，咁點樣先可以「有溫度」呢？今次榮幸邀請到七位「持續超卓表現機構」代表，同我哋一一解答以上疑問！

21/09/2022

第十六屆天高服務獎【溫度融化距離服務始終靠您】

「天高服務獎頒獎典禮」今年嚟到第十六屆，平時唔少人提到「人性化服務」，但近年唔少行業嘅服務流程，都逐漸以科技取代，加上各種防疫措施，前線同事與顧客嘅距離愈來愈遠... 今年主題係「溫度融化距離服務始終靠您」，唔同行業嘅得獎單位平時係點樣提供有溫度服務俾顧客？密切留意天高專頁，未來兩星期將會推出「分店代表心得分享集」以及「機構代表交流會」精華片段。事不宜遲，率先公佈今屆得獎名單，恭喜一眾得獎單位！

26/08/2022

DiSC行為分析 - 你屬於哪種溝通風格？

Consultant： Ricky Ng

相信大家對於性格測驗好有興趣！今次顧問Ricky介紹DiSC行為分析，唔知道大家屬於邊一種溝通風格？

19/08/2022

【天高故事．學】找不到的玩具

日常會聽到有人鬧「搞錯重點」！其實銷售技巧都係同樣道理，但「開唔到單」同「搞錯重點」又有咩關係？立即去片，好可能你就係故事中嘅小朋友！

05/08/2022

壓力爆煲點算好？助你輕鬆提升整全性

Consultant： Elena Tsang

人有壓力好正常，但冇好好正視壓力嘅源頭，身體隨時響警號！聽顧問Elena分享，點樣喺日常生活中，令到自己身、心靈得到平衡！

15/07/2022

【天高故事．學】不一樣的叫聲

有冇發現日常溝通上，同一個意思，但唔同人嘅傳達方式，會帶來截然不同嘅效果，睇完今集故事，大家自然掌握何謂適當嘅溝通！

08/07/2022

團隊協作好難？全因你的團隊出現這種角色

Consultant： Elena Tsang

相信大家成日聽到身邊人抱怨：「我唔想join呢個project呀，隔離team個同事點點點」，就好似顧問Elena嘅故事分享中，團隊裡面某種角色，的確令大家有所卻步！Teamwork除咗講求大家「合作」完成一件事，彼此間「協作」都好重要！究竟何謂「團隊協作」？立即聽Elena分享

17/06/2022

【天高故事．學】夜香郎

作為銷售人員嘅你，呢一刻係咪有開唔到單嘅煩惱？就算公司返新貨，或者推出大特賣，客人仍然冇購物意慾... 睇完夜香郎嘅故事，你自然搵出問題所在！

02/06/2022

成為溝通達人，先要掌握對方的溝通風格？

Consultant： Patrick Ng

同一種語言，但點解仲會發生「溝而不通」嘅情況？好大機會你未掌握對方嘅溝通風格 (Social Style)！「先對人」、「後對事」，夾到對方嘅Social Style，自然形成有效嘅溝通，立即聽顧問Patrick分享！

27/05/2022

【天高服務指標2021】- 零售服務業 X 餐飲業

Consultant： Ricky Ng

匯集過去一年零售服務業及餐飲業的神秘顧客評核數據，「天高服務指標2021」終於出爐！兩大行業的得分又有沒有比以往進步？而根據數據分析，零售服務業的「與顧客建立關係」，以及餐飲業的「附加介紹」，都是各項評核範疇中，得分最低，那又如何改善？立即聽顧問Ricky分享，掌握顧客現時最需要哪一種服務！

20/05/2022

活在舒適圈下的江湖七怪，你亦是其中之一？

Consultant： Elena Tsang

唔少人都想安於現狀，唔願意離開comfort zone，但原來自己嘅處事作風，逐漸為自己同身邊同事帶來好多麻煩，舒適圈不再舒適！一齊聽顧問Elena分享，留意自己同身邊同事，係咪已經成為舒適圈下的江湖七怪！

10/05/2022

天高Webinar【與無力感分手，讓你的目標「易境」重生】精華重溫

Consultant： Ricky Ng Elena Tsang

天高四月份Webinar【與無力感分手，讓你的目標「易境」重生】收到好多參加者嘅好評，多謝大家支持！今次Webinar精華重溫特別介紹兩種幫你訂立目標嘅工具 - 「九宮格思考法」及「子彈筆記」，大家可以拎紙同筆，睇精華重溫嘅同時，可以一齊跟住做！

06/05/2022

【天高故事．學】墨西哥蟹

身為銷售人員嘅你，有冇發現無論講到產品幾吸引、對顧客態度好好，但佢地都唔肯埋單！咁好大機會欠缺一樣重要嘅元素，甚至被好多銷售人員忽略，究竟係咩呢？睇完「墨西哥蟹」呢個故事，自然搵出成為Professional Sales嘅重要元素！

22/04/2022

【天高故事．學】聰明的小寶寶

媽媽簡單嘅一句話，究竟邊句係假、邊句先係真？立即去片！想提升日常嘅溝通技巧，可以向呢位「聰明的小寶寶」多多學習！

11/02/2022

No industry was spared by the effects of the new norm in 2021. With new breakthroughs in our offerings, Tiptop's two core services, corporate training and research service, continued to help our clients overcome their challenges.

Let's watch this video and check out what Tiptop had achieved in 2021!

28/01/2022

【新手領導必看】登上管理者舞台

Consultant： Elena Tsang

如果你係啱啱升職，正式成為主管，先恭喜你登上「管理者舞台」！當然，由零經驗開始，自己嘅心態、與同事溝通模式等，都一定要作出好大嘅改變，顧問Elena就分享站上「管理者舞台」之後，究竟你有咩地方需要特別注意？

14/01/2022

冇同理心，人際溝通會點樣？

Consultant： Elena Tsang

講到同理心，部分人會覺得好老套！當然都有唔少人知道同理心好重要，但往往人際溝通上遇到問題，就唔記得同理心嘅存在...
顧問Elena就分享真人真事，讓大家從第三者嘅角度睇，當家庭朋輩、職場溝通都冇哂同理心，呢段人際溝通又會有幾災難性！

30/12/2021

想提升溝通技巧？不能忽視女朋友的「三招必殺技」

Consultant： Ricky Ng

唔少人都話要成為人見人愛嘅女朋友，一定要學識以下三句口頭禪！

真係㗎？
點解嘅？
你好叻呀！

究竟呢三句說話有幾犀利？除咗日常溝通之外，就連職場上溝通，都要學識呢三句？即刻聽Ricky分享，你地嘅女朋友一直都提升緊你地嘅溝通技巧！

17/12/2021

職場煩惱：如何與「老臣子」好好合作？

Consultant： Elena Tsang

俗語「家有一老，如有一寶」但相信好多職場上年輕嘅同事都唔同意，無論喺溝通、思維上，都覺得一班年資較高嘅同事會有代溝... 於是就好抗拒同佢地溝通合作，暗地仲會有唔同嘅稱呼

顧問Elena就分享一個真實案例，故事中嘅年輕主管點樣可以用幾分鐘時間，完全改變一位「老臣子」嘅思維同工作模式！想同「老臣子」好好溝通，有咩地方需要留意？立即去片，搵到當中竅門，就解決一個職場上嘅煩惱

03/12/2021

爆紅Netflix韓劇人物大解析：反映你是職場上的哪種人？

Consultant： Ricky Ng

最近Netflix一套生存遊戲嘅韓劇全球爆紅，裡面每位角色性格鮮明，每位角色都各有支持者，唔知你又鍾意邊個角色呢？但原來你嘅答案，正正反映你喺職場上屬於邊種人！假如呢套韓劇嘅角色喺同一個職場上工作，又會遇到咩命運？一齊聽Ricky揭曉答案！

05/11/2021

開心由我揀 – 從忙碌工作中尋找快樂？

Consultant： Patrick Ng

睇到呢個post嘅你，而家一定好開心，因為又到weekend了！但好快又到星期一，好多人諗起又有一星期忙碌嘅工作，心情又自然低落… 顧問Patrick就話你聽，忙碌工作嘅同時，仲要時間尋找快樂！究竟當中有咩竅門呢？

29/10/2021

優秀客服大使，要識圖片治療法！？

Consultant： Elena Tsang

「客服同事要理解顧客需要」，相信唔少客服同事都好怕呢句，明明自己問足問題，跟足每一個程序，但客人都係唔滿意… 你係冇做錯的，但只係尚欠一個「助攻位」！顧問Elena會幫大家搵出呢個「助攻位」，仲會透過「圖片治療法結合技巧」，幫助你整理思路之外，仲可以幫你聽到客人的內心說話？想了解更多？立即去片！天高亦將於2021年11月8日舉辦全新課程【成為優秀客服大使】，Elena會深入教大家如何真正成為客人眼中的優秀客服大使，點擊以下連結報名及了解更多詳情：

https://bit.ly/2YsoiuD

08/10/2021

第十五屆天高服務獎【瞬息萬變服務蛻變】精華重溫

Consultant： Ricky Ng Clement Chan

第十五屆天高服務獎【瞬息萬變服務蛻變】於上月順利舉行，首次以網上直播形式進行，好開心收到一眾得獎單位的好評，多謝各位對天高的支持！網上直播頒獎禮同樣可以具備互動性及趣味性，立即帶大家重溫當日精華片段，體驗非一般的頒獎禮，亦與一眾得獎者分享喜悅！

20/09/2021

企業的盲點 (第二集) 【如何預防盲點】

Consultant： Ricky Ng 王浵世先生

第一集讓大家深入探討企業的盲點，掌握盲點的成因，下一步就是如何預防盲點。除了加強內部監督、提升領導及員工的思維能力外，留意市場變化及借助外力亦不可或缺，顧問Ricky與王浵世先生帶大家掌握當中技巧！

03/09/2021

EQ系列【五條問題檢查自己EQ有幾高？】

Consultant： Ricky Ng

講起EQ，好多人都覺得時常開心就EQ高，而對方生氣，就即刻認定人地EQ低，其實好多人都對EQ有錯誤嘅認知！顧問Ricky今次同大家玩互動遊戲，立即去片！簡單五條問題就check到自己EQ有幾高，亦都帶大家重新認識何謂EQ！

27/08/2021

Webinar【打工仔的華麗轉身：成為內創業家】精華重溫

Consultant： Ricky Ng Clive Kwok

相信每位企業老闆及主管，不希望同事只懷著「打工」心態去工作，那可以培養「內創業家」(Intrapreneur) 心態！但究竟什麼是「內創業家」？同事擁有「內創業家」心態後，工作會有什麼改變？現實又有什麼成功案例？立即觀看Webinar精華重溫，加深對「內創業家」的認知！

18/08/2021

【企業的盲點】第一集

Consultant： Ricky Ng 王浵世先生

管理顧問從第三者的角度觀察，很容易找出不少痛點，而企業自身沒有察覺到這些問題的存在，卻已經影響公司的運作，這就是企業的盲點。

那為何會出現盲點？而領導層自身又有沒有盲點呢？顧問Ricky與王浵世先生會帶大家深入探討企業的盲點，幫助你找出企業的潛在問題。

06/08/2021

銷售系列《三》【成功埋單的三大步驟】

Consultant： Janice Lo

完成產品介紹，客人一句「我再考慮下先」，好多銷售人員都以為開唔成單，冇再sell落去，又或者繼續對客人窮追猛打，咁更加一定開唔到單啦

其實只要用啱銷售話術，自然就能拆解客人嘅一句「我再考慮下先」，甚至即刻出錢埋單！聽顧問Janice分享，輕鬆學會成功埋單的三大步驟

16/07/2021

EQ系列【情緒不悅又怎樣？輕鬆四步化為成功之道】

Consultant： Ricky Ng

近期某電視台的一位綜藝節目人物好出名，與數字有關的，是一位香港風水師傅，而顧問Ricky分析佢成名嘅原因，發現係同EQ有關

從平時與人相處，乃至職場上，總會遇到令自己唔開心嘅事，的確無可避免，但有負面情緒之後可以點樣處理？平時成日講控制情緒，今次更進一步，Ricky分享如何將負面情緒化為成功之道

09/07/2021

兩大秘技，新人轉眼變老手！

Consultant： Ricky Ng

好多主管可能怕麻煩、或者未夠相信新人嘅工作能力，唔會賦予新同事難度高、重要嘅任務，但若果想新同事快速成長，就要帶佢地「親身上戰場」

的確，主管培訓新人時，冇可能教一次就完全掌握，但點樣先可以讓新同事實戰時「學得快、做得好」？聽顧問Ricky分享，兩個秘訣，新人即刻變老手

25/06/2021

銷售系列《二》【開唔到單！？你點樣發問？】

Consultant： Janice Lo

唔少人都覺得銷售好難，其中一個原因就係客人嘅感覺、想要啲咩，都只係得客人自己知道，但其實要成功開單，就係要靠「問」

有可能前線同事接受training時，教到銷售過程一定要問客人問題，「你想揀啲咩？」、「送禮定自己用」之類，但問問題就變得例行公事，而最後只換來客人冷漠的回應「我睇下先」... 問中問題，就已經可以成功開單，立即聽顧問Janice分享！

18/06/2021

【天高服務指標 2020】餐飲業及零售服務業

Consultant： Janice Lo

天高每年都會推出「天高服務指標」，總結過去一年神秘顧客評核成績。至於餐飲業及零售服務業於 2020 年的表現，可能受到疫情影響，未能保持以往的好成績。究竟哪些評核項目需要多加改善？而疫情仍然會持續一段長時間，又如何提升服務水準？立即去片

28/05/2021

銷售系列《一》【銷售講F.A.B.已經過時！？】

Consultant： Janice Lo

相信好多銷售同事受培訓時，都會知道FAB銷售技巧

Features 特色
Advantages 優點
Benefits 好處

但做齊哂步驟、講哂產品有幾好，都仍然開唔到單，唔通新時代仲講FAB已經過時？FAB雖然係簡單嘅銷售技巧，但絕對唔係一味背書，聽顧問Janice分享，靈活運用FAB，先可以發揮當中嘅「殺傷力」

24/05/2021

屋苑野豬出沒事件 - 服務標準冇教點應對？

Consultant： Ricky Ng

一次Ricky喺某屋苑竟然見到野豬出沒！住客見到當然會驚啦，但物業管理同事面對嘅煩惱，除咗點樣趕走野豬外，更重要係點樣處理住客嘅投訴

平時處理投訴都有一套標準可以跟隨，但面對呢類突發事情，欠缺指引嘅情況下，唔少同事都覺得相當棘手。不過，做服務唔係要盲目跟隨服務標準，聽下顧問Ricky分享，學會了解服務標準背後嘅「原則」

14/05/2021

贏取顧客滿意度，服務流程需要刪減？

Consultant： Clement Chan

網購送貨十分方便，但有時唔喺屋企，最快捷方法當然係交比屋苑大堂同事，但咁簡單嘅流程，又點解會令到Clement失望呢？而你又有冇類似經歷

之前有分享過，我地要思考點樣喺服務流程中，添加附加價值，但同一時間我地有冇諗過，原有流程都會出現毫無價值嘅地方，甚至會令到客人唔滿意！聽聽顧問Clement分享，設計旅程地圖時，會唔會可以刪減原有但無價值嘅服務流程

07/05/2021

天高Webinar【零痛感工作法 - 面對新常態帶來的未知】精華重溫

Consultant： Ricky Ng Clement Chan Janice Lo

新常態為職場帶來好多轉變，大家嘅工作愈來愈忙，覺得要Multi-tasking先可以完成所有工作，但原來Multi-tasking係唔可行嘅？

天高顧問分享兩招「零痛感工作法」，包括「靈魂出竅」及「零痛感鍛鍊日誌」，如期執著於無法改變嘅事情，不如學會從中抽離自己，聚焦可改變嘅事，再做到「自我連結」，最後你就會找回工作嘅意義

如何應用「零痛感工作法」？立即去片

04/05/2021

【總有故仔喺左近】服務態度好唔代表顧客至上？

Consultant： Ricky Ng

現時流行E-Banking，有保安編碼器就十分方便，但發生咩事，明明十分方便嘅網上服務，搞到Ricky要親自到分行處理呢？連一向EQ高嘅Ricky，都忍唔住要與前線同事抱怨幾句

從事服務業嘅你，有冇發現無論服務態度幾好，顧客都仲係不停投訴，好有可能你嘅品牌仲未達到「顧客至上」！聽顧問Ricky分享，設計顧客旅程地圖時，不妨多重視 Design Thinking (設計思考)，讓客人感受到最「貼地」嘅服務體驗

23/04/2021

捉緊客人的「感受」，成為你的品牌代言人

Consultant： Clement Chan

網上消費成為大勢，但同時亦都聽到消費者怨聲載道！影片開首訪問幾位同事嘅不良網上消費體驗，好有可能你都有親身經歷過

現時愈來愈多網上購物/外賣平台，大家嘅產品/服務類近，要突圍而出，首先就係要捉緊客人嘅「感受」

26/03/2021

開會好無聊？三招提升會議高效法

Consultant： Janice Lo

覺得開會無聊、浪費時間，或者覺得例會只屬例行公事，相信好多「打工仔」都有以上諗法，但其實係因為大家「開錯會」

其實「開啱會」都有相關技巧，所有同事喺會議上，都有自己嘅「角色」同「任務」，而會議主持人更係推動整個會議嘅關鍵人物！苦惱點樣先可以「開啱會」？一齊聽顧問Janice嘅「三招提升會議高效法」

24/03/2021

【天高網上消費習慣調查】指尖下的新形態

Consultant： Ricky Ng

天高於剛剛的12月至1月，以網上問卷形式，訪問了154位對象，了解他們使用網上購物及外賣速遞平台的習慣，以及對各平台的滿意度

究竟網上消費習慣能否持續？而使用者對於各大平台的滿意及不滿意的地方又是甚麼？怎樣才能優化整個顧客體驗旅程？聽聽顧問Ricky的分享，並於以下連結留下電郵，獲取詳細報告

https://bit.ly/3v9S037

12/03/2021

告別命令式領導！回饋時可採用「教育式回應」

Consultant： Clement Chan

下屬犯錯，好多上司仍然會認為「鬧就一定聽」，但尤其係新世代嘅員工，真係會無條件服從命令式領導嗎

想改善下屬嘅工作表現，既要保持自己嘅管治威信，又想維持和諧嘅工作氣氛，上司們可以用「教育式回應」引導同事。聽顧問Clement分享，只要五個步驟，就可以好好引導同事，幫助同事一齊成長

05/03/2021

【總有故仔喺左近】阿婆新春摘年桔？

Consultant： Ricky Ng

每逢農曆新年，相信各屋苑都會添置年桔，顧問Ricky有次見到一位婆婆公然當眾摘桔！？如果你作為物業管理職員，見到咁嘅情景，你會點樣處理

相信大家都一定會上前阻止呢位婆婆，但究竟係咪一種最恰當嘅做法呢？一齊聽Ricky分享，學會妥善處理突發情況

01/03/2021

Webinar【New Norm New Warmth! 職場有一種幸福叫虛擬】精華片段重溫

Consultant： Ricky Ng Clement Chan Janice Lo

2021年職場新常態，你絕對不能夠忽視！天高早前成功舉辦今年首個Webinar，講到現時流行Work From Home，甚至係Hybrid Office Model，大家嘅工作模式都轉去虛擬職場，當好多人對此感到擔憂時，天高顧問就話你聽，虛擬職場亦可以有一種幸福感

無論你錯過咗當日Webinar，定係想重溫精彩內容，而家隨時隨地都可以重溫！感受完虛擬職場幸福嘅一面，係時候努力實踐

16/02/2021

Webinar【60分鐘煉成網上教學達人】精華片段重溫

Consultant： Janice Lo

網上教學已成新常態，要成為網上教學達人，其實只需要具備以下三種「唇」

Expectation
Connection
Interaction

但究竟點先可以充分發揮呢三種「唇」呢？咁就一定要聽顧問Janice分享啦！無論你係錯過咗當日Webinar，定係想重溫精彩內容，而家都可以隨時隨地重溫返

12/02/2021

訂立目標前必須詢問自己的三條問題

Consultant： Janice Lo

農曆新年就快到，唔知大家為今年訂下咩目標呢？可惜，受到疫情影響，大家對於訂下嘅目標同計劃難免會擔憂，但又無理由咩都唔做，咁點先可以達到自己想要嘅目標呢？

自我規劃當然十分重要，但想自己順利有效地追求目標，大家可以先問問自己三條問題！一齊聽下顧問Janice分享，大家一齊努力達標吧！亦歡迎大家留言同我地分享今年嘅目標

05/02/2021

天高 2020年度回顧

2020年受到疫情影響，的確遇上不少困難，但仍然無阻我們繼續突破，創造更多可能性，亦要感覺客戶對天高的支持！

天高在Consultancy及Research這兩大範疇，皆做出多方面的全新嘗試，包括Webinar、Virtual Team Building、網上學習平台等，而一年一度的天高服務獎，亦打破傳統，以全新方式進行。

現在與大家一起回顧天高於2020年各方面的成績，立即去片！

13/01/2021

【天高故事．學】非洲賣鞋

問吓大家，如果你係一間鞋店推銷員，公司派你去一個冇人著鞋嘅地方拓展生意，你當下第一個諗法係咩？

若要向上流動，首先要學懂把握新機遇，甚至主動製造機會！銷售行業亦一樣，尤其現時經濟環境，好多銷售同事都面對前所未有嘅困難，但點解總有啲公司仍然可以突圍而出呢？

睇完「非洲賣鞋」呢個故事，嘗試用正面的態度去看待同一件事，或者會看出新機遇

16/12/2020

揸貨van去酒店被歧視？全因員工唔識表達！

Consultant： Clement Chan

近期網上討論區有個post，一位客人揸貨Van去酒店食自助餐，最後因為「公司指引」而不歡而散... 究竟事情來龍去脈係點呢？

喺客人眼中，「規矩係死，人係生嘅」，前線同事又可以點樣解釋公司指引，但又唔撻著客人情緒？一齊聽下顧問Clement嘅分享

25/11/2020

溝通絆腳石......竟然因為經驗！？

Consultant： Clement Chan

一次Clement揸車去油站入油，因為職員誤會咗Clement嘅說話，部私家車爭啲就要報廢！究竟發生咩事呢？

好多時候溝通上嘅誤解，都係因為太依賴個人經驗！一齊聽吓Clement分享，學會溝通時保持「初心」

23/10/2020

天高Webinar「怪獸同事的千奇百態」精華片段

Consultant： Ricky Ng Clement Chan Janice Lo

天高過百人Webinar於上星期二完滿結束！再次感謝大家的支持！

想重溫返當日精彩內容？又或者錯過咗Webinar？而家隨時隨地都可以睇返精華片段，特別篩選咗「放毒藥」、「吹大咗」及「冇規冇矩」呢三種怪獸同事，聽到佢地個名都覺得頭痕？唔緊要，顧問會教你幾招輕鬆應對方法

15/09/2020

【總有故仔喺左近】一句說話值幾錢

Consultant： Ricky Ng

顧問Ricky飼養嘅熱帶魚早前健康出現問題，多得一位救魚英雄出現，佢啲寶貝魚可以繼續健健康康咁成長。究竟呢位救魚英雄究竟同Ricky講咗咩，令到之後收入節節上升呢？原來呢句說話係咁值錢？即刻去片，千萬唔好輕視一句說話的威力

28/08/2020

管理層太能幹都會出事？

Consultant： Janice Lo

管理層固然係公司的「模範生」，好多人都認為只要下屬將處事方法「Copy & Paste」，自然就唔會出錯。但人的思維同「心態」冇可能copy and paste！上級只係不停指示下屬跟住做，隨時全team人都變成「Yes Man」！聽顧問Janice的個人經驗，如何更有效地教導下屬。

21/08/2020

天高服務奬 2019-2020【同舟．同學．同「些牙」】- 持續超卓表現機構

Consultant： Ricky Ng

壓軸大獎是「持續超卓表現機構」，意味著全年所有分店在每季的神秘顧客評核計劃中，都要達至理想的服務水平，成績得來不易，是背後所有同事努力的成果！

恭喜以下得獎機構：
HKT LIMITED
太興集團控股有限公司
富邦銀行 (香港)
Dah Sing Bank, Limited
PUMA Hong Kong Limited

07/08/2020

天高服務奬 2019-2020【同舟．同學．同「些牙」】- 「持續超卓表現分店」服務業

Consultant： Ricky Ng

第三日會公佈「持續超卓表現分店」服務業的得獎片段，立即觀看得獎單位的分享，了解他們如何透過彼此交流，持續提升服務質素

恭喜以下得獎單位：
香港中國旅行社 (得獎分店：機場服務處T1)
Namco Enterprises Asia Limited (得獎分店：荃新天地店)
HKT LIMITED (得獎分店：Tsim Sha Tsui)
Dah Sing Bank, Limited (得獎分店：Shatin Branch)
富邦銀行 (香港) (得獎分店：沙田分行)

06/08/2020

天高服務奬 2019-2020【同舟．同學．同「些牙」】- 「持續超卓表現分店」零售業 (下)

Consultant： Janice Lo

為客人提供優質服務的同時，亦需要有一個良好的工作環境，以下三個「持續超卓表現分店」零售業得獎單位會分享如何營造愉快的工作及銷售氣氛，立即去片！

恭喜以下得獎單位：
THE BODY SHOP (得獎分店：元朗分店)
Jurlique Hong Kong Limited (得獎分店：SOGO TST)
EMPEROR WATCH & JEWELLERY LIMITED (得獎分店：CBR)

05/08/2020

天高服務奬 2019-2020【同舟．同學．同「些牙」】- 「持續超卓表現分店」零售業 (上)

Consultant： Janice Lo

今年一共有八間零售業分店榮獲「持續超卓表現分店」！今年各行各業都遇到前所未有的困難，同心合力先可以迎難而上！立即觀看其中五個零售業得獎單位的分享，如何讓前線同事更有效地投入工作！

恭喜以下得獎單位：
EVISU Group Limited (得獎分店：尖沙咀海港城)
ECCO Shoes Hong Kong Limited (得獎分店：Times Square)
PUMA Hong Kong Limited (得獎分店：Elements)
Furla Hong Kong Retail Limited (得獎分店：HK - Airport)
Dahood (得獎分店：旺角花園街102號)

05/08/2020

天高服務奬 2019-2020【同舟．同學．同「些牙」】- 「持續超卓表現分店」餐飲業 (下)

Consultant： Clement Chan

今年一共有六間餐飲業分店榮獲「持續超卓表現分店」！事不宜遲，立即帶大家觀看另外三間分店的得獎片段！了解他們如何將公司理念傳達至前線同事！

恭喜以下得獎單位：
太興集團控股有限公司 (得獎分店：太興餐廳宇晴軒分店)
株式会社有限公司 (得獎分店：温野菜日本涮涮鍋專門店 - 海港城分店)
稻香控股有限公司 (得獎分店：東環 - 客家好棧)

04/08/2020

天高服務奬 2019-2020【同舟．同學．同「些牙」】- 「持續超卓表現分店」餐飲業 (上)

Consultant： Clement Chan

隆重宣佈！一連4日天高服務獎頒獎典禮現在正式開始！在眾多餐飲業單位中，一共有六間分店榮獲「持續超卓表現分店」！事不宜遲，立即帶大家到其中三間分店的頒獎實況！

恭喜以下得獎單位：
Beans Cafe (得獎分店：Beans Be Water)
但馬屋(香港)有限公司 (得獎分店：牛陣 - 旺角)
Nha Trang Vietnamese Restaurant (得獎分店：Olympian City)

04/08/2020

【天高故事 ‧ 學】醉眼看醫生

天高推出全新影片系列「天高故事 ‧ 學」
平時大家聽三位顧問分享就聽得多啦，今次黎個嶄新形式，有把靚聲講故仔俾大家聽又覺得點呢?

打頭陣嘅故事係「醉眼看醫生」，係咪「黑人問號」呢
「飲醉酒」同「睇醫生」又同大家有咩關係

立即去片，教你日常溝通如何減少誤會

24/07/2020

【總有故仔喺左近】玩客人都係好服務？

Consultant： Ricky Ng

Ricky 有次去便利店，見到一場精彩嘅服務情景，在旁睇直頭覺得係要俾入場費嘅服務！
究竟發生咗咩事呢？一齊聽下Ricky嘅分享

17/07/2020

【總有故仔喺左近】快餐店靈異事件簿

Consultant： Ricky Ng

你冇睇錯標題，我哋服務界都出現靈異事件！先唔劇透發生咩事，等大家聽聽顧問Ricky分享啦

但相信咁多位服務業嘅朋友，公司都有做開神秘顧客評核計劃，大家對每次嘅評分都一定好著緊，人之常情嘅

不過大家都要諗一諗，你地做服務究竟係為咩呢？神秘顧客嘅分數可以說明一切？相信大家都同意「服務不是求分數」，既然係咁，大家聽完Ricky分享之後，一齊討論下何謂「做好服務」

10/07/2020

【企業文化】上級服侍同事如顧客？

Consultant： Janice Lo

無論個客有幾難搞，你原則上都會本着「客服精神」來面對的，咁如果你嘅同事好難搞呢 ? 或者你會直接反佢白眼！
但等等先，大家都係人，點解會咁吾公平？

大家平時工作出黎嘅成果，都係靠同事一齊努力，如果換個心態，又會唔會對於成個團隊更有幫助呢？聽完顧問Janice嘅分享後，不妨試下另一種同事相處之道

03/07/2020

3招令客人愛死你！

Consultant： Clement Chan

問下大家一條問題呀，點解會有「熟客」呢回事呢？以時裝店為例子，好多人黎黎去去都只會幫襯幾間舖，其實除咗係款式唔錯之外，仲因為你地「夠friend」！例如你聽到「呢款外套新出架，你上次咪買咗件T-shirt嘅，買黎襯就完美啦」你好大機會就自然比生意人做啦

其實呢種嘅銷售模式背後，都有一種「附加價值」！一齊聽下顧問Clement分享，學懂服務時候需要留意嘅三大「附加價值」啦，學識點運用，分分鐘令到生意額節節上升

26/06/2020

【總有故仔喺左近】天下武功，唯快不破

Consultant： Ricky Ng

小編放工就最鍾意過住啲休閒生活，但上星期同朋友食飯個陣，聽到伙記嘅一句「快手啲啦，點解仲未上到菜呢」，就連佢地對住食客嘅一句「慢慢食」都講得超快，真係唔急都被佢地搞到急

咁又可以理解嘅，香港人節奏講求「快」！分享愛因斯坦的一句「如果我有一小時解決問題，我會用55分鐘思考，5分鐘去做事」，其實「快」=「效率高、服務好」呢條formula係唔係真係啱呢？聽下顧問Ricky嘅分享，一齊探討「快」係咪真係有用啦

19/06/2020

【總有故仔喺左近】工作都要練好專屬技能!?

Consultant： Ricky Ng

唔知大家有冇睇過日漫「一拳超人」呢？佢永遠都係一拳就K.O.對手，呢啲就係傳說中嘅「以簡馭繁」啦。

其實工作同打機一樣，遊戲裡面每個角色都只有幾招重點技能，練好專屬招式，就可以KO敵人，輕鬆過關！一齊聽下顧問Ricky的分享，然後非常簡單，諗下自己有d咩重點技能可以鍛鍊出黎，工作自然事半功倍

12/06/2020

【天高服務指標2019】餐飲業篇

Consultant： Ricky Ng Clement Chan

好多餐飲業嘅朋友都問過我哋「乜介紹食物有用咩？客人最後都冇點」但可能大家係未把握到整個流程當中，最合適的「接觸點」

最新嘅天高服務指標，餐飲業中「食品介紹」及「附加介紹」有好大進步空間！喺介紹食物嘅同時，有冇考慮過時機呢？一齊聽下顧問Ricky同Clement嘅分享，餐飲業嘅前線同事，都一樣可以學「做生意」

02/06/2020

【天高服務指標2019】零售服務業篇

Consultant： Ricky Ng Janice Lo

顧客購物與否，除咗視乎一件產品嘅質素外，好多時候都會基於個人感受

最新嘅神秘顧客評核數據，零售服務業中「附加介紹」及「與顧客建立關係」明顯比其他項目遜色... 好多前線同事都會跟足每個指定步驟，但往往會忽略了顧客體驗。顧客嘅感受係好重要，但聽落去好抽象？唔緊要，一齊聽顧問Ricky同Janice嘅分享，為顧客提供完美服務體驗

02/06/2020

【Webinar 重溫】喚醒內在成長思維創造共同理念團隊

Consultant： Ricky Ng Clement Chan Janice Lo

天高第二次Webinar【喚醒內在成長思維創造共同理念團隊】於5月26日完滿結束！錯過咗我地嘅直播？唔緊要，依家隨時隨地都可以重溫，陪伴大家展開成長思維旅程

籌備今次Webinar嘅過程，我地參照第一次Webinar收集返黎嘅意見，喺視覺效果同互動環節上都用心設計，亦製作四條原創配音動畫，展現平時office會發生嘅情景，希望大家都喜歡今次嘅新元素

29/05/2020

【總有故仔喺左近】你不知道的KPI玩法

Consultant： Ricky Ng

天高首推【總有故仔喺左近】系列短片，由天高顧問Ricky 講故仔分享唔同嘅管理/營運概念，今期先講下KPI
做銷售嘅同伴就知道啦! 務求達到KPI原來有唔同招數，但係達到KPI就等於有效?
係同事單純追求數字嘅進步定真係會諗吓點樣透過KPI，改善公司整體發展呢 ?
睇完呢條片你可能會重新思考下如何運用KPI

22/05/2020

顧客投訴點處理？（下）- 情緒篇

Consultant： Janice Lo

當客人連珠發砲咁打嚟投訴，又無理又講粗言穢語，係唔係會愈聽愈嬲呢？會嬲當然正常啦，但當下淨係得嬲，又可唔可以真係解決到件事呢？

每個客人打嚟投訴，背後都一定有好強烈嘅情緒！所以處理事情嘅同時，識得安撫對方情緒都十分重要！一齊嚟聽吓顧問Janice分享，試吓用「紅綠燈」方法管理自己嘅情緒再回應客人

15/05/2020

顧客投訴點處理？（上）- 心態篇

Consultant： Janice Lo

收到顧客投訴你嘅反應係？
好麻煩 / 嬲 / 好無奈，又唔關我事
究竟要以咩心態去處理顧客投訴先達到雙贏呢？

08/05/2020

疫情期間的客服，這兩點你有無做好？

Consultant： Clement Chan

【今時今日優質嘅服務應該係.....?】

點解就算跟足服務標準做到101分，但顧客都仲係覺得唔稱心?
流程上做足之餘再加上「同理心」，咁顧客就更稱心啦！
顧問Clement 同大家分享佢近日嘅經歷，你可能都會有同感

29/04/2020

【領導管理】新生代好難教？你是新時代上司嗎？

Consultant： Ricky Ng Janice Lo

隨住時代變遷，作為管理人會不斷出現一個煩惱，就係應該點管理新一代嘅員工。
眼見「領導力」跌出左LinkedIn排行榜，咁係咪代表領導力唔再重要啦？
天高顧問Ricky 同Janice 就有咁嘅睇法啦

24/04/2020

【情緒智商】顏色妖怪

Consultant： Clement Chan

「同同事都合作得好好，但點解做嘢做到冇哂心機嘅」
「明明今朝都冇食過嘢，點解都仲係冇胃口嘅」

有時覺得坐立不安又問咗自己好多次「點解」，但都仲係解答唔到自己嘅疑惑，唔洗擔心，你只係當下未搞清自己當下係咩情緒

其實我地可以用顏色黎認清同表達自己嘅情緒! 覺得好抽象? 快啲睇呢條片，認識下咩顏色可以代表咩情緒!

17/04/2020

【Webinar重溫】「疫/逆．正思維」如何在逆境下應用正向心理學？

Consultant： Ricky Ng Clement Chan Janice Lo

天高首個Webinar【「疫/逆．正思維」如何在逆境下應用正向心理學？】於上星期完滿結束，精彩嘅內容當然要比大家不停重溫！就算你喺上星期錯過咗我地嘅直播，唔緊要，而家隨時隨地都可以睇得返

16/04/2020

疫情期間，點樣開單？

Consultant： Janice Lo

「今時今日咁嘅服務態度唔夠架」呢句說話都聽咗好多年，相信大家服務態度都令人滿意，但係咪覺得自己明明好有禮貌、同客人介紹得非常詳盡，但客人都只係冷淡講一句「我諗下先啦」

唔洗灰心，你只係做漏咗一樣嘢者，就係讓客人感受到你嘅「同理心」!尤其而家沉重嘅社會氣氛，重視客人嘅感受係好重要，聽完顧問Janice嘅分享，就明白點樣同客人「講心又講金」!

03/04/2020